AB KUCHH PAL KI ZINDAGI HAI..

Ab kuchh pal ki zindagi hai,
phir patton se boond gir jayegi,
phoolon se khusboo bhi na ayegi,
jeene de iss pal ko zara,
phir khudko zindagi chhod jayegi.

Ab kuchh pal ki zindagi hai,
phir muskaan saath chhod jayegi,
dhadkan dil se ruth jayegi,
hasle ye pal ko jee bharke,
kuchh pal me khudko khusi chhod jayegi.

Ab kuchh pal ki zindagi hai,
phir suraj zindagi ki dhal jayegi,
door tak tanhayi hi nazar ayegi!
raat ki kaali chadar tale,
sanse saath chhod jayegi.

Ab kuchh pal ki zindagi hai,
ab kuchh pal ke bahar,
kho jaane de mujhe iss jahan me,
doob jane de mujhe iss sama me,
ye zindagi phir kabhi na ayegi.