ZINDAGI ME THI EK NANHI PARI ...

Zindagi me thi ek nanhi pari,
Phool ki thi jaise koi chhoti si kali.
Karte the kitni sari baatain hum,
Zindagi jaise thi khusyon se bhari.

Na jane kyun wo rooth gayi,
Mere haatho se kyun wo chhoot gayi.
Dil me dabi thi kitni sari baatain,
Sab jaise aansuon me beh gayi.

Dil ki bas ab yahi tamanna hai,
Beetey zindagi teri pyar ki sakhaon main.
Kyunki tadap tadap ke dil yahin bole,
Rehna hai bas teri yaadon ki narm chaon main.

Roj akele apne se baatain kiya karta hun,
chup chap teri yaadon me roya karta hun.
iss zindagi ke tanah safar me,
aksar tera chehra dhoonda karta hun.

Mujhe to bas teri hi arzoo hai,
Mujhe to bas teri hi justjoo hai.
Tu chahe jo bhi raste me chale,
Meri manzil bas tu hi tu hai.

KAL AAJ AUR KAL..

Hai aaj din suhane bade,
Kal ki baat kaun yaad kare,
Kal ki baat kuan fariyaad kare.
Log to khus hai apne aaj me,
Kal kya tha sochke kaun aaj ko barbad kare.

Logon ko jhumte dekh aaj kal se bola,
Dekh bagiyan me kese phool khile hai,
Dekh aaj chaman me kese rang mile hai,
Tu kyun hai iss zindagi me,
Jab log tujhe bhool kar aaj me phire hai.

Kal muskurake bola aaj se,
Phool to aaj khile hai kal murjha jayegenge,
Suraj me aaj chamak hai kal ast ho jayegenge,
Ye to pal bhar ki khusiyan hai,
Jo sab kuchh aaj hai wo kal me badal jayenge.

Phir yahi me bolunga... hai aaj,
Kal ke din kitne suhane the,
Zindagi me kitne fasane the,
Kyun aya hai ye aaj mere paas,
Kal thi to zindagi kitne haseen the.

Jab sab kuchh tha kal me,
phir kyun aya hai ye aaj,
Zindagi ka yahin niyam hai,
Kal kal tha to aaj aaj.

DIL ME HAIN KAYI ARMAN...

Dil me hain kayi arman,
Kehne ko hai kayi paigam,
Hai machal rahi dil me mere,
Par sun ne ko na koyi yahan.

Megh barasne ko dhara yahan,
Parbat ko chumti badal jawan,
Dil to mange saath koyi,
Par sun ne koi paas kahan.

Dil me hai kayi gum chhupe hue,
Rah pe hai jese kante saje hue,
Koi to fariyad meri sunlo zara,
Hai bahut se baat dil me dabe hue.

Ho koi to saath achha lagta hai,
Dil ko koi sachha lagta hai,
Na hoti dhara to kabhi megh na barasta,
No hota dil to ye saath kabhi na basta.

AB KUCHH PAL KI ZINDAGI HAI..

Ab kuchh pal ki zindagi hai,
phir patton se boond gir jayegi,
phoolon se khusboo bhi na ayegi,
jeene de iss pal ko zara,
phir khudko zindagi chhod jayegi.

Ab kuchh pal ki zindagi hai,
phir muskaan saath chhod jayegi,
dhadkan dil se ruth jayegi,
hasle ye pal ko jee bharke,
kuchh pal me khudko khusi chhod jayegi.

Ab kuchh pal ki zindagi hai,
phir suraj zindagi ki dhal jayegi,
door tak tanhayi hi nazar ayegi!
raat ki kaali chadar tale,
sanse saath chhod jayegi.

Ab kuchh pal ki zindagi hai,
ab kuchh pal ke bahar,
kho jaane de mujhe iss jahan me,
doob jane de mujhe iss sama me,
ye zindagi phir kabhi na ayegi.

ZINDAGI..

Kabhi rulati hai to kabhi hasati hai zindagi,
na jaane kaise kaise rang dikhati hey zindagi!
zindagi ke rah hai tedhe medhe,
na jane kaise kaise rah dikhati hai zindagi.

Kabhi dhoop hai to kabhi chhaon hai zindagi,
har pal ek naya chaw hai zindagi!
zindagi har pal kuchh naya hai,
na jaane kaise kaise pal dikhati hai zindagi.

Kabhi takrar to kabhi pyar hai zindagi,
sabke dil ki dulaar hai zindagi!
zindagi har pal ek mithi yaad hai,
na jane kitne yaade dikhake muskurati hai zindagi.

Kabhi barsaat to kabhi kasti hey zindagi,
sabse badi dosti hai zindagi!
kabhi milna kabhi bichhadna kabhi chhup chhup ke rona,
har muskil waqt me haat milati hai hey zindagi.